२ जेष्ठ २०७८, आईतवार
गृह हप्ताको २ दिन विदा दिनेबारे अध्ययन गर्न कार्यदल
हप्ताको २ दिन विदा दिनेबारे अध्ययन गर्न कार्यदल

काठमाडौं । संस्कृति, पर्यटन तथा नागरिक उड्डयन मन्त्रालयले हप्तामा २ दिन बिदा दिनेबारे अध्ययन गर्न कार्यदल गठन गरेको छ ।

आन्तरिक पर्यटन प्रवद्र्धनका लागि २ दिन बिदा तथा भ्रमण भत्ता दिनका लागि लागत फाइदाको अध्ययन, देशभित्र तथा बाहिरको अभ्यासका बारेमा अध्ययन गरी प्रतिवेदन बुझाउनका लागि प्रशासन तथा योजना महाशाखा प्रमुख सहसचिव कमल भट्टराईको संयोजकत्वमा मनत्रालयले कार्यदल बनाएको हो ।

यसअघि यसरी भ्रमण भत्ता तथा हप्तामा २ दिन बिदा दिनका लागि भएका निर्णय अहिले नै विभिन्न संस्थाहरूमा भइरहेको अभ्यासका बारेमा अध्ययन गरी लागू गर्न सकिने वा नसकिने बारेमा निष्कर्ष सहितको प्रतिवेदन बुझाउनका लागि कार्यदल बनाइएको मन्त्रालयका प्रवक्तासमेत रहेका कमल भट्टराईले बताए ।

यसअघि सरकारले नै यस्तो निर्णय गरेको थियो। यद्यपी कार्यान्वयन भने भएको छैन ।

Facebook Comments
+ posts

हरेक खबर खास खबर