२६ बैशाख २०७८, आईतवार
गृह सिटिइभिटीका स्थगित परीक्षा दसैंलगत्तै (सूचनासहित)
सिटिइभिटीका स्थगित परीक्षा दसैंलगत्तै (सूचनासहित)

काठमाडौं । प्राविधिक शिक्षा तथा व्यवसायीक तालीम परिषद सिटिईभिटीले विश्वभर महामारीका रुपमा फैलिएको कोरोना भाइरस संक्रमणका कारण स्थगित भएका विभिन्न तहका परीक्षा दसैंलगत्तै सञ्चालन गर्ने भएको छ ।

परिषदबाट सञ्चालन हुने डिप्लोमा, प्रमाणपत्र तह र प्राविधिक एसएलसी तहका नियमित र आंशिक परीक्षा कोरोना महामारीले गर्दा स्थगित भएका थिए।

ती परीक्षाहरू कात्तिक तेस्रो साताबाट सञ्चालन गरिने परिषदले जानकारी दिएको छ। नेपाल सरकारले जारी गरेको स्वास्थ्य सुरक्षा मापदण्ड अपनाउँदै परीक्षाहरू सञ्चालन गर्ने तयारी गरिएको परिषदले सूचना निकालेर जानकारी दिएको छ । परिषदले छिट्टै परीक्षा तालिका निकाल्ने बताएको छ।

२०७६ चैत ६ गते र त्यसपछिका परीक्षा कोरोना महामारीले स्थगित गरिएका थिए ।

Facebook Comments
+ posts

हरेक खबर खास खबर