४ असार २०७८, शुक्रबार
गृह भारतमा दैनिक संक्रमित संख्या चार लाख नजिक, ३६ सयभन्दा बढीको मृत्यु
भारतमा दैनिक संक्रमित संख्या चार लाख नजिक, ३६ सयभन्दा बढीको मृत्यु

नयाँ दिल्ली। पछिल्लेा समय भारतमा कोरोना ग्राफ निकै उकालो लागेको छ। पछिल्लो २४ घण्टामा उच्च संख्यामा कोरोना संक्रमित थपिएका छन्। विगत केही दिनदेखि निरन्तर बढिरहेको संक्रमित संख्या दैनिक तीन लाख नाघ्न थालेको छ।
भारतमा दैनिक रुपमा संक्रमणबाट हुने मृत्युदरसमेत बढिरहेको छ। पछिल्लो केही दिनयता दैनिक मृतकको संख्यामा समेत रेकर्ड बन्न थालेको हो।

पछिल्लो २४ घण्टाभित्र त्यहाँ ३ लाख ७९ हजार ४५९ जना नयाँ संक्रमित थपिएका हुन्। अघिल्लो दिन भारतमा ३ लाख ६२ हजारभन्दा बढी संक्रमित थपिएका थिए।


कुल संक्रमित संख्याका आधारमा दोस्रो स्थानमा रहेको भारतमा कोरोना संक्रमितको संख्या एक करोड ८३ लाख नाघेको छ।

तेस्रोमा रहेको ब्राजिलमा भने एक करोड ४५ लाखभन्दा बढी संक्रमित रहेका छन्। त्यहाँ पछिल्लो २४ घण्टामा ७७ हजारभन्दा बढी संक्रमित थपिँदा ३० सयभन्दा बढीको मृत्यु भएको छ।

पछिल्लो २४ घण्टामा ३६ सय ४७ जनाको मृत्यु भएसँगै कोरोना संक्रमणकै कारण भारतमा मृत्यु हुनेको कुल संख्या दुई लाख ४ हजार ८१२ पुगेको छ। संक्रमितमध्ये एक करोड ५० लाखभन्दा बढी निको भइसकेका छन् करिब ३१ लाख सक्रिय संक्रमित रहेका छन्।

Facebook Comments

हरेक खबर खास खबर