५ असार २०७८, शनिबार
गृह स्वास्थ्यकर्मी कुटपिट गर्नेलाई कडा कारवाही गर्न मन्त्रालयको माग
स्वास्थ्यकर्मी कुटपिट गर्नेलाई कडा कारवाही गर्न मन्त्रालयको माग

काठमाडौं। स्वास्थ्य तथा जनसंख्या मन्त्रालयले नेपालगञ्जको भेरी अस्पतालमा स्वास्थ्यकर्मीहरूमाथि आक्रमण गर्ने पक्षलाई कडाभन्दा कडा कारवाहीको माग गरेको छ।

दाङका एक जना कोरोना संक्रमितको मृत्यु भएपछि आफन्तले काममा खटिएका स्वास्थ्यकर्मीमाथी कुटपिट गरेका थिए। मन्त्रालयले शुक्रबार एक विज्ञप्ती जारी गर्दै पेशागत धर्म निर्वाह गरिरहेका स्वास्थ्यकर्मीमाथि भएको आक्रमणप्रति गम्भीर ध्यानाकर्षण भएको जनाएको छ।


मन्त्रालयका सह–प्रवक्ता डा।समिरकुमार अधिकारीले जारी गरेको विज्ञप्तिमा भनिएको छ, ‘यसरी कहीँकतै कसैले कुनै पनि बहानामा स्वास्थ्यकर्मीमाथि गर्ने उच्छृङ्खल,गैरकानुनी अमानवीय गतिविधिहरुमा शुन्य सहनशीलता राखी कोभिड–१९ संकट व्यवस्थापन अध्यादेश २०७८, मुलुकी फौजदारी कार्यसंहिता ऐन २०७२, स्वास्थ्यकर्मी तथा स्वास्थ्य सुरक्षासम्बन्धी ऐन २०६६ आदि अनुसार कडाभन्दा कडा कारवाहीको प्रवन्ध गरिदिनु हुन सम्वन्धित सवैमा अनुरोध छ।’

Facebook Comments

हरेक खबर खास खबर