४ असार २०७८, शुक्रबार
गृह सभामुखले डाकेको सर्वदलीय बैठकको यस्तो आयो निष्कर्ष
सभामुखले डाकेको सर्वदलीय बैठकको यस्तो आयो निष्कर्ष

काठमाडौं। सभामुख अग्नि सापकोटाले डोकेको सर्वदलीय बैठकमा नेताहरुले अहिले लोकतन्त्र र संविधान गम्भिर संकटमा परेको भन्दै त्यसलाई बचाउनुपर्ने निष्कर्ष निकालेका छन्। बैठकपछि पूर्व प्रधानमन्त्री तथा जसपाका नेता डा.बाबुराम भट्टराईले प्रतिनिधिसभा पटक पटक विघटन भएको भन्दै लोकतन्त्र नै धरापमा परेकाले यसलाई बचाउन राजनीतिक दलहरु लाग्नुपर्नेमा सबै दल सहमत भएको बताए ।

‘अहिले लोकतन्त्र धरापमा परेको छ। पटक पटक संसद विघटन भएको छ। यसमा साझा चिन्ता व्यक्त भयो’, डा.भट्टराइले भने, ‘कोरोना महामारी चर्किएको छ। खोप व्यवस्थापन हुन सकेको छैन। यो विषयमा पनि हामी सबैको एउटै मत रह्यो।’


बैठकमा चुरे लगायतका क्षेत्रबाट बालुवा ढुंगा गिटी निकासी गर्ने सरकारको निर्णय गलत रहेको सर्वदलीय बैठकमा सहभागी दलका नेताहरुले ठहर गरेका छन्। नेता भट्टराईले संसद विघटन गलत छ भनेर दलका नेताहरुले सभामुखलाई सुझाव दिएको जानकारी दिए।

सभामुख सापकोटाले प्रधानमन्त्री केपी शर्मा ओलीले दोस्रो पटक संसद विघटन गरेपछि उत्पन्न राजनीतिक परिस्थितिका बारेमा पूर्व प्रधानमन्त्रीसहित दलका नेतासँग छलफल गरेका हुन्।

Facebook Comments

हरेक खबर खास खबर