१७ श्रावण २०७८, आईतवार
गृह काठमाडौंमा आजदेखि निषेधाज्ञा थप खुकुलो, जोर–बिजोर प्रणाली हट्यो
काठमाडौंमा आजदेखि निषेधाज्ञा थप खुकुलो, जोर–बिजोर प्रणाली हट्यो

काठमाडौं। काठमाडौं उपत्यकामा जारी निषेधाज्ञा आजबाट थप खुकुलो भएको छ। आजबाट उपत्यकामा चल्ने सार्वजनिक तथा निजी सवारी साधनमा आजेदेखि जोर–बिजोर प्रणाली हटाइएको छ।

माइक्रो, टेम्पोलगायत सवारी पनि चल्न दिइएको छ। आजदेखि जिल्ला प्रशासन कार्यालयबाट अनुमति लिएर काठमाडौं उपत्यकाभित्र प्रवेश गर्न पाइनेछ।


सार्वजनिक यातायातमा सिट क्षमताभन्दा बढी यात्रु राख्न नपाइने र मास्कलगायत स्वास्थ्यका मापदण्ड अनिवार्य रूपमा पालना गर्नुपर्ने नियम बनाईएको छ।

सफा टेम्पो र निलो माइक्रो पनि सञ्चालन गर्न पाइने भएको छ। यसअघि २५ सिट क्षमताभन्दा बढीका सवारी साधन मात्रै चलाउन दिइएको थियो।

माइक्रोको तेस्रो सिटमा चार(चार जनाका दरले ८ जना र चालक छेउमा एक जना गरी ९ जना यात्रुभन्दा धेरै बोक्न पाइने छैन।

सवारीको मध्यभागमा दुईतर्फी यात्रुहरू छुट्याउने गरी प्लास्टिकको छेकबार लगाउनुपर्नेछ। यसका साथै पूर्वनिर्धारित परीक्षाहरू सञ्चालन गर्न पाइनेछ। परीक्षा हलमा २५ जना मात्रै विद्यार्थी राख्नुपर्नेछ।

निर्माण सामग्री ढुवानी गर्न पनि पाइने भएको छ। बेलुकी ९ बजेदेखि बिहान ५ बजेसम्म निर्माण सामग्री गर्न पाइनेछ।

Facebook Comments

हरेक खबर खास खबर