१७ श्रावण २०७८, आईतवार
गृह लामो दुरीका सार्वजनिक सवारी साधन सञ्चालनमा सहजीकरण गर्न गृहको परिपत्र
लामो दुरीका सार्वजनिक सवारी साधन सञ्चालनमा सहजीकरण गर्न गृहको परिपत्र

काठमाडौं। लामो दुरीका सार्वजनिक सवारी साधनमा सहजिकरण गनृ गृह मन्त्रालयले परित्र गरेको छ। गृहले मध्यम तथा लामो दुरीका सार्वजनिक यातायात सञ्चालन गर्न आवश्यक सहजीकरण गर्न प्रहरी प्रधान कार्यालय नक्साल र ७७ जिल्ला प्रशासन कार्यालयलाई पत्र पठाएको हो।

गृहका शाखा अधिकृत रामबहादुर केसीले पठाएको परिपत्रमा त्रिभुवन विश्वविद्यालय तथा लोक सेवा आयोगलगायत निकायबाट परीक्षा कार्यक्रम सार्वजनिक भएकोले देशका विभिन्न भागबाट परीक्षार्थीहरूको आवागमन समेतलाई ध्यानमा राखेर जनस्वास्थ्यका मादपण्डको पूर्ण पालना गरेर मध्यम र लामो दुरीका सार्वजनिक यातायात सञ्चालनमा सहजीकरण गर्न निर्देशन दिइएको छ।


साउन ४ मा मन्त्रिपरिषद बैठकबाट सार्वजनिक यातायात सञ्चालनका लागि आवश्यक निर्णय भएको उक्त पत्रमा उल्लेख छ।

Facebook Comments

हरेक खबर खास खबर