११ कार्तिक २०७८, बिहीबार
गृह सत्तारुढ गठबन्धनको कार्यदलको बैठक साँझ फेरि बस्ने, पाउला त मन्त्रीपरिषद्ले पूर्णता?
सत्तारुढ गठबन्धनको कार्यदलको बैठक साँझ फेरि बस्ने, पाउला त मन्त्रीपरिषद्ले पूर्णता?

काठमाडौं। सत्तारुढ गठबन्धनको न्युनतम साझा कार्यक्रम तयार पार्न आज विहान बसेको कार्यदलको बैठक साँझ फेरि बस्ने गरी सकिएको छ।

प्रधानमन्त्री निवास बालुवाटारमा बसेको बैठकमा गठबन्धन सरकारको साझा कार्यक्रमको मस्यौदामाथि छलफल भएको थियो। कार्यदलका सदस्यसचिव केशव जोशीका अनुसार सरकारको न्यूनतम साझा कार्यक्रम आज नै टुंगो लगाउने तयारी छ।


कार्यदलको प्रतिवेदनपछि मात्रै मन्त्रिपरिषद् विस्तार हुने कांग्रेस महामन्त्री एवं कार्यदलका संयोजक पूर्णबहादुर खड्काले जानकारी दिए।

कांग्रेस महामन्त्री खड्का संयोजकत्वको कार्यदलमा कांग्रेसबाट डा. मिनेन्द्र रिजाल र रमेश लेखक, माओवादी केन्द्रबाट वर्षमान पुन र देव गुरुङ तथा जसपाबाट राजेन्द्र श्रेष्ठ र महेन्द्र राय यादव सहभागी छन्।

Facebook Comments

हरेक खबर खास खबर