१७ मंसिर २०७८, शुक्रबार
गृह लकडाउनको निगरानी गर्न रोवोट परिचालन
लकडाउनको निगरानी गर्न रोवोट परिचालन

काठमाडौं । ट्युनिसियामा लकडाउनको निगरानी गर्न रोबोट परिचालन गरिएको छ । राजधानी ट्युनिसमा सडकमा हिंड्ने जोकोहीको पनि निगरानी गर्नगरि रोवोट परिचालन गरिएको हो । यसले ती मानिसहरुलाई भेटेर किन बाहिरि निस्किएको भन्दै प्रश्न पनि सोध्छ । ती मानिसले आफ्नो आईडी र अन्य कागजात रोबोटका क्यामेरामा देखाउनुपर्छ, जसलाई हेरेर अधिकारीहरुले उनीहरुको जाँच गर्छन् ।

ट्युनिसियामा कोरोनाका कारण १४ को जनाको मृत्यु भइसकेको छ । अहिले लकडाउन दोस्रो सातामा छ । मानिसहरु अत्यावश्यक सामाग्री र औषधी खरिदबाहेक अन्य काममा बाहिर निस्कन पाउदैंनन् । यस उत्तर अफ्रिकी देशमा अहिलेसम्म ४ सय ३६ जनामा संक्रमण देखिइसकेको छ ।


इभोना रोबोटिक्स कम्पनीले यस रोबोट निर्माण गरेको हो । देशका विभिन्न स्थानमा यस्ता रोबोट छन्, तर यसको संख्या र मुल्यका विषयमा जानकारी दिन कम्पनीले अस्विकार गरेको छ । चार पाङ्ग्रे पीजि गार्ड रोबोट थर्मल इमेजिङ क्यामेरा र लिडार टेक्नोलोजी जडित छ । यसले (याडरजस्तै काम गर्छ, तर रेडियो वेभ्सको सट्टा यसमा प्रकाश प्रयोग गरिएको हुन्छ ।

Facebook Comments

हरेक खबर खास खबर