१७ मंसिर २०७८, शुक्रबार
गृह वैशाख १० सम्म लकडाउन थप गर्ने तयारी
वैशाख १० सम्म लकडाउन थप गर्ने तयारी

काठमाडौं । सरकारले थप एकहप्ता लकडाउन थप गर्ने तयारी भएको । कोरोना सङ्क्रमण रोकथाम तथा नियन्त्रण उच्चस्तरीय समन्वय समिति स्रोतले दिएको जानकारी अनुसार वैशाख १० गतेसम्म लकडाउन लम्ब्याउने तयारी गरिएको छ । मंगलबार बिहान ११ बजे बस्ने मन्त्रिपरिषद् बैठकले लकडाउनको समयावधि बढाउने तयारी गरेको उच्च स्रोतले जनाएको छ ।

सरकारले लकडाउन थप एक साता लम्ब्याएमा बैशाख १० गते लकडाउनको एक महिना पुरा हुनेछ ।
सरकारले पहिलोपटक चैत ११ गते बिहान ६ बजेदेखि साताव्यापी लकडाउनको घोषणा गरेको थियो । त्यपछि आठ दिन थपेर चैत २५ गतेसम्म कायम गरिएको थियो ।


उच्चस्तरीय समितिको १६ औं बैठकले पारिवारिकरूपमा खेती–बालीको काम गर्न दिने, राष्ट्रिय गौरवका आयोजनाभित्र काम गर्न दिनेगरी केही खुकुलो पार्ने निर्णय गरे पनि सुदूरपश्चिम प्रदेशमा एकसाथ तीन जनामा सङ्क्रमित फेला पर्दै कोरोना नयाँ चरणमा प्रवेश गरेपछि सरकारले थप कडाइ गरेको थियो । लगत्तै बसेको मन्त्रिपरिषद् बैठकले एक स्थानीय तहबाट अर्को स्थानीय तहजानसम्म निषेध गरेर लकडाउनलाई थप कसिलो बनाएको थियो ।

Facebook Comments

हरेक खबर खास खबर